Kisi gham ghusaar ki mehnaton ka ye khoob mai ne sila diya
K jo meray gham mai ghula kia ussay mai ne dil se bhula diya
Jo jamal-e-Rooh-e-hayat tha jo dalil-e-rahe nijat tha
ussi rahber k naqoosh-e-pa ko musafiron ne mita diya
Mai teray mazar ki jalion hi ki midhaton mai magan raha
teray dushmanon ne teray chaman mai khizan ka jaal bicha diya
Teray husn-e-khulq ki ek ramaq meri zindagi mai na mil saki
mai issi mai khush hoon k shehar k der-o-baam ko to saja diya
Teray sour-o-badr k baab k mai waraq ulat k guzar gaya
Mujhey sirf teri hikayaton ki riwayatoan ne maza diya
Ye meri aqeedat-e- be basar ye meri riyazat-e-behuner
mujhey meray dawa-e-ishq ne na sanam diya na khuda diya
Tera naqsh-e-pa tha jo rehnuma to ghubar-e-rah thi kehkshan
issay kho diya to zamany bhar ne humein nazer se gira diya
kabhi aay inayat-e-kam nazer teray dil mai ye bhi kasak huwi
jo tabassum-e-rukh-e-zeest tha ussay teray gham ne rula diya
1 comment:
nice poetry blog
Post a Comment