Masjid to bana di shab bhar mai....

Masjid to bana di shab bhar mai imaan ki hararat walon ne
Mun apna purana papi ha i, berson mai namazi ban na saka

Kia khoob Ameer-e-faisal ko sunwasi ne pegham diya
Tu naam-o-nasab ka hijazi hai ,per dil ka hijazi ban na saka

Ter aankhein to ho jatin hain,per kia lazzat us ronay mai
Jab khoon-e-jigar ki aamezish se ask piyazi ban na saka

Iqbal bara updeshak hai mun baaton mai moh leta hai
Guftaar ka ye ghazi to bana , kirdaar ka ghazi ban na saka

BY:Allama Mohammad Iqbal

Then which blessing of Your Lord will u both (jinn and men) deny? He is the Lord of the two easts and the Lord of the two wests (55:16,17) 

My new creation ..... 

kabhi aay .......

Kabhi aay haqiqat-e-muntazir nazer aa libas-e-majaz mai
K hazaron sajday tarap rahey hain meri jabeen-e-niaz mai

Turb aashnaye kharosh ho,tu nawaye mehram-e-gosh ho
Wo sarood kia k chupa huwa ho sakoot-e-perda-e-saaz mai

Tu bacha bacha k na rakh issay,tera aina hai wo aina
Jo shakista ho to aziz ter hai nigah-e-aina saaz mai

Dam-e-tof kermak-e-shama ne ye kaha k wo asr-e-kuhen
Na teri hikayat-e-soz mai , na meri hadees-e-gudaaz mai

Na kahin jahan mai amaan mili, jo amaan mili to kahan mili
Meray jurm-e-khana kharab ko teray uffv-e-banda nawaz mai

Na wo ishq mai rahi germian,na wo husn mai rahi shokhian
Na wo ghaznavi mai tarap rahi,na wo kham hai zulf-e-ayaz mai

Jo mai ser basajda huwa kabhi ,to zameen se anay lagi sada
Tera dil to hai sanam ashna , tujhey kia millay ga namaz mai

By: Allama Mohammad Iqbal

Dukaan-e-girya

Poochnay walay tujhey kaisay bataaein akhir
Dukh ibarat to nahi jo tujhey likh ker bhaijein
Ye kahani bhi nahi hai k sunaein tujh ko
Na koi baat hi aisee k bataein tujh ko
Zakham ho to teray naakhun k hawalay ker dein
Aina bhi to nahi k dikhaein tujh ko
Tu ne poocha hai magar kaisay bataein tujh ko
Ye koi raaz nahi jis ko chupaen to wo raaz
Kabhi chehray kabhi ankhon se chalak jata hai
Jaisay aanchal ko sambhalay koi aur teiz hawa
Jab bhi chalti hai to shanon se dhalak jata hai
Ab tujhey kaisay bataein k humein kia dukh hai
Jism mai reengti rehti hai musafat ki thakan
Phir bhi kaandhon pe uthayae huwe halat ka bojh
Apnay qadmon se hatatay huwe saya apna
Jis ko bhi dekhiye chup chap chala jata hai
Kabhi khud se kabhi raston se ulajhta hai magar
Janay wala kisi awaz pe rukta hi nahi
Dhoondna hai naya peraya-e-izhar humein
Istiaron ki zaban koi samajhta hi nahi
Dil grifta hain talismat-e-gham-e-hasti se
Saans lenay se fusoon kariy-e-jaan tootti hai
Ik taghayyur pas-e-her shay hai magar zulm ki dor
Abhi maloom nahi hai k kahan tooti hai
Tu samajhta hai k khushboo se moattar hai hayat
Tu ne chakha hi nahi zehr kisi mausam ka
Tujh pe guzra hi nahi raqs-e-junoon ka aalam
Aisa aalam jahan sadiyoun k tahhayur ka nasha
Her bicharti huwi sa’at se galay milta hai
Is tamashay ka bazahir to nahi koi sabab
Sirf mehsoos kero gay to pata chalta hai
Aik dhun hai jo sunayee nahi deti phir bhi
Lay ba lay berhata chala jata hai hungam-e-sitam
Koo ba koo phailta jata hai gubaar-e-man-o-tu
Rooh se khali huwe jatay hai jismon k haram
Waqt be rehm hai,hum raqs-e-barehna hain sabhi
Ab to paband-e-salasil nahi koi phir bhi
Dasht-e-mishghaan mai bhatakta huwa taron ka hujoom
Safha-e-lab pe sisiskti huwi awaz ki lo
Dekh to kaisay rehayee ki khabar kerti hai
Rozan-e-waqt se aghaaz-e-safer kerti hai
Be khabar rehna kisi baat se acha hi nahi
Tu kabhi waqt ki dehleez per tehra hi nahi
Tu ne dekhay hi nahi halqa-e-amroz k rang
Garmiye wada-e-ferda se pighaltay huwe log
Apnay hi khawab ki tabeer mai jaltay huwe log
Bhook aur piyas ki mari huwi faslon ki terah
Barr-e-azam ki lakeeron se ubhartay huwe log
Amn k naam per barood bhari dunniya mai
Khas-o-khashak ki manind bhikertay huwe log
Roz jeetay huwe aur roz hi mertay huwe log
Zindagi film nahi hai k dikhaen tujh ko
Tu ne poocha hai magar kaisay bataein tujh ko
Koi mehfooz nahi ahl-e-tahafuz se yahan
Raat bhari hai kahin aur kahin din bhari
Saari dunniya koi medan sa lagti hai humein
Jis mai ik maarka-e-sood-o-ziyan jari hai
Paon rakhay huwe barood per sab log jahan
Apnay hathon mai uthaye huwe perwana-e-shab
Aasteenon mai chupaey huwe mehtaab koi
Apni gerdan mai liay apnay gareeban ka tauq
Neend mai chaltay huwe dekhtay hai khawab koi
Aur ye sochtay rehtay hai k deewaron se
Shab k aasaar dhalay,subh ka sooraj ubhra
Door ufaq paar paharon pe chamakti huwi berf
Naye sooraj ki tamazat se pighal jaey gi
Aur kisi waqfa-e-imakaan-e-sehar mai ab k
Roshni saaray anndheron ko nigal jaey gi
Dekhiye kaisay pohachti hai thikanay pe kahin
Door ik fakhta urti hai nishanay pe kahin
Aa ke ye manzir-e- khoon basta dikhayen tujh ko
Tu ne poocha hai magar kaisay baataein tujh ko
Koi gahak hi nahi johar-e-ainda ka
Chashm kholay huwe baithi hai dukan-e-girya
Aur isi manzar-e-khoon basta ka goshay mai kahin
Ser pe dalay huwe ik lamha-e-maujood ki dhool
Teray ushaq bohat khak basar phirtay hain
Waqt kab khainch ley maqtal mai gawahi k liay
Dast-e-khali mai liay kasa-e- sir phirtay hain
Poochnay walay tujhey kaisay bataaein akhir
Dukh ibarat to nahi jo tujhey likh ker bhaijen
Dukh to mehsoos huwa kerta hai
Chahay tera ho ya mera dukh ho
Admi wo hai jisay jeetay jee
Sirf apna nahi sab ka dukh ho
Chak ho jaey jo ik baar hawas k hathon
Jama-e-ishq doobara to nahi silta hai
Asman meri zameenon per jhuka hai lakin
Tera aur mera sitara hi nahi milta hai

By: Saleem Kauser

Zindagi k perchay k...

Zindagi k perchay k
Sab sawal lazim hain
Sab sawal mushkil hain
Be nigah ankhon se
Dekhta hoon parchay ko
Be khayal hathon se
Un bunay se lafzon per
Unglian ghumata hoon
Hashiye lagata hoon
Dairay banata hoon
Ya sawal namay ko
Dekhta hi jata hoon

Hadith-e-qudsi

On the authority of Abu Hurayrah (may Allah be pleased with him), who said that the Messenger of Allah (PBUH) said:

"When Allah decreed the Creation He pledged Himself by writing in His book which is laid down with Him: My mercy prevails over my wrath. "

It was related by Muslim (also by al-Bukhari, an-Nasa'i and Ibn Majah).