وَّالۡمُحۡصَنٰتُ مِنَ النِّسَآءِ اِلَّا مَا مَلَـكَتۡ اَيۡمَانُكُمۡ‌ۚ كِتٰبَ اللّٰهِ عَلَيۡكُمۡ‌ۚ وَاُحِلَّ لَـكُمۡ مَّا وَرَآءَ ذٰ لِكُمۡ اَنۡ تَبۡتَـغُوۡا بِاَمۡوَالِكُمۡ مُّحۡصِنِيۡنَ غَيۡرَ مُسَافِحِيۡنَ‌)

النساء:(24)) 

اور تم پر شوہر  والی عورتیں حرام کی گئی ہیں سوائے ان کے جو جنگ میں قید ہو کر تمہارے پاس آئیں یہ اللہ نے تم پر فرض کیا ہے اور اس کے علاوہ باقی عورتیں تم پر حلال ہیں  جن کو  تم اپنے مال خرچ کر کے  نکاح کے لئے حاصل کرو.. نہ کہ کھلم کھلا بدکاری کے لئے

اللہ کا مال اللہ کی رضا کے لئے اللہ کی راہ میں یا اللہ کی حلال کردہ چیزوں پر  خرچ کریں..

اللہ تعالیٰ اس آیت میں مومنین کو برے تعلقات کے لئے مال خرچ کرنے سے منع کر رہے ہیں اور حکم دے رہے ہیں کہ مال خرچ کر نا ہے تو عورتوں سے نکاح کر کے مہر کی صورت میں مال خرچ کرو اور عورتوں سے فائدہ اٹھاؤ.. بدکاری کے لئےاپنا مال مت خرچ کرو.

 وَالۡمُحۡصَنٰتُ مِنَ الۡمُؤۡمِنٰتِ وَالۡمُحۡصَنٰتُ مِنَ الَّذِيۡنَ اُوۡتُوا الۡـكِتٰبَ مِنۡ قَبۡلِكُمۡ اِذَاۤ اٰتَيۡتُمُوۡهُنَّ اُجُوۡرَهُنَّ مُحۡصِنِيۡنَ غَيۡرَ مُسَافِحِيۡنَ وَلَا مُتَّخِذِىۡۤ اَخۡدَانٍ‌ؕ وَمَنۡ يَّكۡفُرۡ بِالۡاِيۡمَانِ فَقَدۡ حَبِطَ عَمَلُهٗ وَهُوَ فِى الۡاٰخِرَةِ مِنَ الۡخٰسِرِيۡنَ

اور حلال کی گئیں تم پر پاکدامن عورتیں ایمان والوں میں سے، اور پاکدامن عورتیں اہلِ کتاب میں سے جب تم اپنا مال خرچ کرکے ان کو پاکدامنی (نکاح)  کے لئے حاصل کرو نہ کہ  بدکاری کے لئے اور نہ چوری چھپے آشنائی کے لئے اور جو کوئی ایمان  کے ساتھ کفر کرے گا  تو اس کے اعمال ضائع ہو جائیں گے اور وہ آخرت میں  خسارہ اٹھانے والوں میں سے ہو جائے گا.. 

(المائدہ:5) 

اللہ تعالیٰ اس آیت میں پاکدامن عورتوں سے نکاح کرنے کا حکم دے رہے ہیں. چاہے وہ مومنین میں سے ہوں یا اہلِ کتاب میں سے.. مگر شرط وہی ہے کہ نکاح کی صورت میں اپنا مال خرچ کرنا ہے.. نہ تو کھلم کھلا بدکاری کرنی ہے اور نہ ہی چھپ چھپا کر افیئر چلا سکتے ہیں.. اور نہ ہی ایسی عورتوں پر اپنا مال خرچ کر سکتے ہیں.. اللہ تعالیٰ نے آخر میں فرما دیا کہ ایمان کے ساتھ جو شخص بھی کفر کرے گا اس کے سارے نیک عمل ضائع ہو جائیں گے.. اور وہ آخرت میں ناکام. ہو جائے گا.. اللہ سے دعا ہے کہ وہ ہمارے ایمان کی حفاظت فرمائے.. آمین..