Ek molvi sahab ki sunata hoon kahani
Manzoor nahi teizi tabiyat ki dikhani
Shohra tha bohat aap ki sufi manshi ka
Kertay thay adab un ka aali-o-adaani
Kehtay thay k pinhan hai tassawuf mai shariyat
Jis terah k alfaaz mai muzmir hon ma'aani
Labreiz ma'ey zuhad se thi dil ki surahi
Thi teh mai kahin durd-e-khayal-e-hamadaani
Kertay thay bayan aap karamat ka apni
Manzoor thi tadad mureedon ki berhani
Muddat se raha kertay thay hamsaaye mai meray
Thi rind se zahid ki mulaqat purani!!!!!!!!!!!!!!
Hazrat ne meray aik shanasa se ye poocha
Iqbak k hai qamri-e-shamshad-e-ma'aani
Pabandiy-e-ahkam-e-shariyat mai hai kaisa
Go sher mai rashk-e-kaleem-e-hamdani
Sunta hoon k kafir nahi hindu ko samajhta
Hai aisa aqeeda asar-e-falsafa daani
Hai us ki tabiyat mai tashiyu bhi zara sa
Tafzeel-e-ali hum ne suni us ki zabani
Samjha hai k hai raag ibadaat mai dakhil
Maqsood hai mazhab ki magar khaak uraani
Kuchay aar ussay husn faroshon se nahi hai
Aadat ye humaray sho'ara ki hai purani
Gana jo hai shab ko to sehar ko hai tilawat
Is ramz k ab tak na khulay hum pe ma'aani
Laikin ye suna apnay mureedon se hai mai ne
Be daagh hai manind-e-sehar is ki jawani
Majmoo'aa-e-azdad hai iqbal nahi hai
Dil daftar-e-hikmat hai,tabiyat khafaqani
Rindi se bhi aagaah,shariyat se bhi waqif
Poocho jo tassawuf ki to mansoor ka saani
Is shakhs ki hum per to haqeeqat nahi khulti
Ho ga ye kisi aur hi islam ka baani
Al Qissa bohata tool diya wa'az ko apnay
Ta der rahi aap ki ye naghz bayani
Is shehar mai jo baat ho ur jati hai sab mai
Mai ne bhi suni apnay ahabba ki zabani
Ek din jo sar-e-raah milay hazrat-e-zahid
Phir chir gai baton mai wohi baat purani
Fermaya shikayat wo mohabbat k sabab thi
Tha ferz mera raah shariyat ki dikhani
Mai ne ye kaha koi gila mujh ko nahi hai
Ye aap ka haq tha za rahe qurb-e-makani
Kham hai sar-e-tasleem mera aap k aagay
Peeri hai tawazu k sabab meri jawani
Gar aap ko maloom nahi meri haqeeqat
Peda nahi kuch is se qasoor-e-hama dani
Mai khud bhi nahi apni haqeeqat ka shanasa
Gehra hai meray behr-e-khayalat ka pani
Mujh ko bhi tamanna hai k iqbal ko dekhoon
Ki us ki judai mai bohat ashk fishani
Iqbal bhi iqbal se aagah nahi hai
Kuch is mai tamskhar nahi,Wallah nahi hai
(Allama Mohammad Iqbal)
No comments:
Post a Comment