Mai behak sakoon ye majal kia..

Mai behak sakoon ye majal kia
Mera rahnuma koi aur hai
Mujhe khoob jaan lein manzilein
Ye shikasta pa koi aur hai

Jo tumhari jali se muttassil
Hai satoon k peechay khajil khajil
Nahi mai nahi wo mareez-e-dil
Na meray siwa koi aur hai

Meri iltija hai ye dosto
Kabhi tum jo sooaay-e-haram chalo
To bana k ser ko qadam chalo
K ye raasta koi aur hai

Hai tujhe khabar shah-e-een-o-aan
Meri wajh-e-rahat-e-qalb-o-jaan
Na teray siwa koi aur tha
Na teray siwa koi aur hai

Ye guman tha kai saal se
Ye yaqeen hai kai roz hai
Meray dil se gunbad-e-sabz ka
Ye mamla koi aur hai

Wo Rauf hain wo Raheem hain
Wo habib-e-Rubb-e-kareem hain
Unhein fikr hai meri aap ki
Unhein chahta koi aur hai

Mai jo door arz-e-haram se tha
Huwi khuld-e-gosh haseen sada
Hai isi mai majid-e-benawa
K ye qafla koi aur hai