Teray ishq ki intiha chahta hoon
Meri saadgi dekh kia chahta hoon
Sitam ho ya ho wada-e-be hijabi
Koi baat sabr aazma chahta hoon
Ye jannat mubarak rahey zahidon ko
K mai aap ka samna chahta hoon
Zara sa to dil hoon, magar shokh itna
Wohi lan tarani suna chahta hoon
Koi dam ka mehman hoon ahl-e-mehfil
Chirag-e-sehr hoon, bujha chahta hoon
Bhari bazm mai raaz ki baat keh di
Bara be adab hoon,saza chahta hoon
By:Allama Mohammad Iqbal
No comments:
Post a Comment