Aik chota sa larka tha mai jin dinon
Aik melay mai pohancha humakta huwa
Ji machalta tha aik aik shae pe magar
Jaib khali thi kuch maul le na saka
Laut aya liay hasratein senkaroon
Aik chota sa larka tha mai jin dinon
Khair mehroomion k wo din to gaye
Aaj mela laga hai usi shan se
Aaj chahoon to ik ik dukan maul loon
Aaj chahooon to saara jahan maul loon
Narasayee ka ab ji mai dharka kahan?
Per wo chota sa alhar sa larka kahan?
By: Ibn-e-Insha
No comments:
Post a Comment